නීතියේ ආධිපත්‍යය ඉල්ලා ජනතා මොර ගැසීම පල දැරීම සහ  රනිල් වික්‍රමසිංහ රක්ෂිත බන්ධනාගාර ගත කිරීම. රනිල් වික්‍රමසිංහ මහත්තයාගේ  දේශපාලනය ගැන ආරංචි රාළ බොහෝ දේ දන්නා බව කිව යුතුය. මක්නිසාදයත් 1977 ජාතික පක්ෂයේ බලයට පත්වන විට ආරංචි රාළ යමක් කමක් තේරුම් ගත හැකි වයසේ සිටි තරුණයෙකි. ජේ.ආර් ජයවර්ධන මාමාගේ හයෙන් පහක බලයක් තිබූ යූඑන්පී ආණ්ඩුවේ තරුණ කටයුතු භාර ඇමතිවරයා වූයේ රනිල් වික්‍රමසිංහය. 1971 දී  සමාජ වෙනසක් සදහා ආයුධ සන්නද්ධ කැරැල්ලක් මෙහෙයවූ තරුණ තරුණියන්ගේ දැක්ම වැරදි ලෙස කියවාගත් රනිල් වික්‍රමසිංහලා චෝකාබයිලා තරුණ පරපුරක් බිහිකිරීමට තරුණ සේවා සභාව ආරම්භ කළ අතර එය පවත්වාගෙන යනු ලැබුවේ ඔහුගේ තනි බූදලයක් ලෙසිනි. ආරංචි රාළේ එසේ කියන්නේ ඔහු තරුණ සේවා සභාව සහ ඒ ඔස්සේ රාජ්‍යයේ රූකඩයක් ලෙස  ක්‍රියා කළ ඊනියා යෞවන සමාජ හරහා නිදහස් චින්තනයක්  හෝ  ස්වාධීනත්වයක් නොමැති වහල්  තරුණ පරපුරක් ගොඩනැගීමට දරු උත්සාහය නිසාය. ජාතික තරුණ සේවා සභාව මෙන්ම යෞවන සමාජය ද සම්පූර්ණයෙන්ම එක්සත් ජාතික පක්ෂයේ පෞද්ගලික ව්‍යාපෘතියක් කරගෙන තිබුණේය. (අවාසනාවකට මේ වැරදි පුර්වාදර්ශය ඉන් අනතුරු...

අතුරුදහන් වූවන් වෙනුවෙන් නැගෙන  පාළු කරයේ හඬ   - බ්‍රිටෝ ප්‍රනාන්දු . අතුරුදහන් වූවන්ගේ පවුල් එකමුතු වූ අවස්ථාවක ඉතාමත් සංවේදීව බ්‍රිටෝ ප්‍රනාන්දු ඔවුන් අමතණු ආරංචි රාළ  අසා සිටියේය.  තමන්ගේ ඥාතීන් -   හිතවතුන් නොවන අයගේ විපතකදී එලෙස සංවේදී විය හැක්කේ සමාජයේ අතළොස්සක් දෙනෙකුට පමණකි.  වින්දිතයන් වෙනුවෙන් සියලු අභියෝගයනට එරෙහිව ක්‍රියා කළ හැක්කේ එයිනුත් අතළොස්සකටය. ඔහු  ඒ අතළොස්සෙන් එක් අයෙකි.  ඔහු   කළ කතාවේදී එක් සඳහනක් ගැන ආරංචි රාළට එකඟ විය නොහැකිය.  වසර තිහකට වැඩි කාලයක් තිස්සේ අතුරුදහන් වුවන් වෙනුවෙන් හා ඔවුන්ගේ පවුල් වෙනුවෙන් සිදුකරමින් සිටින අරගළයේදී සාර්ථකත්වයක් ලබාගන්නටත් තවමත් අසමත්ව ඇතැයි ඔහු   හැඟුම්බරව කළ ප්‍රකාශයට ආරංචි රාළ  එකග වන්නේ නැත. අප වැඩි දෙනෙක් ඇස් ඇතිව, ඒත් නොදකිමින්, කන් ඇතිව ඒත් නොඅසමින් නින්දේ පසු වන විට, අතුරුදහන් වුවත් වෙනුවෙන් හඬ නගන්නට, බලධරයන් හා හැප්පෙන්නට ඔහුට  ශක්තියක්ද  ධෛර්යයක් ද විය. නිද්‍රාශීලී සමාජයක, හඬ නැගීමම වූවද ප්‍රමාණවත්ය.  එසේ නොකළහොත් අතුරුදහන්ව ඇති මේ දහස් ගණන්...

සංවර්ධන ව්‍යාපෘතීන් වල මුල් අදියර වලදී යම් පාරිසරික නොගැළපීම් සිදුවූ වත්, පසු කාලයක ඒවා  ක්‍රමානුකූලව  පරිසරයට අන්තර්ග්‍රහණය වෙනු ඇත . මන්නාරම ප්‍රදේශයේ ඉදිකරන සුළං විදුලි බලාගාර පිළිබඳව එම ප්‍රදේශයේ මෙන්ම දිවයිනේ පරිසර සංවිධානවල ලොකු විරෝධතාවයක් මතුවූ අතර අවස්ථා කිහිපයකදීම සංවිධානාත්මකව එම සුළං විදුලි බලාගාර ඉදිකිරීමට විරෝධය පළ කිරීම ජන මාධ්‍ය තුළින් ආරංචි රාළ දුටුවේය.   මතු වී ඇති තත්ත්වය පිළිබඳව සාකච්ඡා කිරීම සඳහා ජනාධිපතිවරයාගේ ප්‍රධානත්වයෙන්  පසුගිය දිනක(13) ජනාධිපති ලේකම් කාර්යාලයේදී විශේෂ සාකච්ඡාවක් පැවැත්වූ අතර ඒ සඳහා බලශක්ති   සහ පරිසර ක්ෂේත්‍රය ඇතුළුව මන්නාරම ප්‍රදේශයේ සිවිල් සංවිධාන නියෝජිතයින් මෙන්ම ආගමික නායකයන් ද සහභාගි වී සිටියහ. මෙම සාකච්ඡාවේදී නියත වශයෙන්ම මන්නාරම ප්‍රදේශයේ ජීවත් වෙන ධීවර ජනතාවට මෙන්ම ගොවි ජනතාවට මේ සුළං විදුලි බලාගාර නිසා ඇතිවිය හැකි බලපෑම පිළිබඳව මෙන්ම මෙම ඉදිකිරීම් සඳහා කරනු ලබන කැණීම්වලදී එම ප්‍රදේශයට ඇතිවිය හැකි ගංවතුර තර්ජනය පිළිබඳව ද සාකච්ඡා කරන්නට ඇතැයි ආරංචි රාළ විශ්වාස කරයි. අනතුරුව මාධ්‍ය වාර්තා කරනු ලැබු...

අසනීප වූ විට කූඹින්ගේ පිහිට පතන කපුටෝ. කපුටන් අසනීප වූ විට කුහුඹුවන් සොයා යන බව ඔබ දැන සිටියාද..?  බැලූ බැල්මට එය අමුතු දෙයක් ලෙස පෙනුනත්, එය සත්‍යයකි. කපුටන් අසනීප වී හෝ පරපෝෂිතයන්ගෙන් කරදරයට පත් වී ඇති බව වටහා ගත් විට, කපුටන් පුදුම සහගත සහජ හැසිරීමක් පෙන්නුම් කරනවා. ඔවුන් කුහුඹුවන් වෙත ළඟා වී, ටික වේලාවක් එහි ගොඩ බැස, පියාපත් විහිදුවමින්, නිශ්චලව සිටින අතර, කුහුඹුවන්ට ඔවුන්ගේ ශරීරය පුරා, විශේෂයෙන් ඔවුන්ගේ පිහාටු අතරට නැගීමට ඉඩ සලස්වනවා.   මෙම කුතුහලය දනවන චාරිත්‍රයට වැදගත් කාර්යයක් ඇත. කුහුඹුවන් ක්ෂුද්‍ර ජීවී නාශක සහ ප්‍රති-පරපෝෂිත බලපෑම් සහිත ස්වාභාවික ද්‍රව්‍යයක් වන ෆෝමික් අම්ලය නිකුත් කරයි. කුහුඹුවන් විසින් "ආක්‍රමණය" කළ විට, කපුටාට ස්වභාවික ප්‍රතිකාරයක් ලැබේ, චිකිත්සක ස්නානයක් වැනි, එය ප්‍රධාන වශයෙන් එහි සමට සහ පිහාටු වලට බලපාන දිලීර, බැක්ටීරියා සහ පරපෝෂිතයන්ට එරෙහිව සටන් කරයි. මෙම සංසිද්ධිය විද්‍යාවේ "කුහුඹුවා" ලෙස හඳුන්වන අතර එය කපුටන් සඳහා පමණක් සිදු නොවේ. බොහෝ පක්ෂීන් මෙම උපාය මාර්ගය ස්වයං-ඖෂධ ක්‍රමයක් ලෙස භාවිතා කරයි.   සතුන්ට ඔවුන් වටා ඇති ස්වාභාවික සම්ප...

බළලුන් පිළිබදව රසවත් හෙළිදරව්වක් ! බළලුන් අතුරුදහන් වූ විට සැතපුම් ගණනක් දුර සිට වුවද නැවත නිවසට පැමිණි කතා ඔබ අසා ඇති. මෙය හුදු අහම්බයක් නොව, ඔවුන් සතු පුදුමාකාර හැකියාවකි. විද්‍යාඥයින් මෙය හඳුන්වන්නේ " Psi-trailing" ලෙසයි. මෙම හැකියාව පිටුපස විද්‍යාත්මක සහ පරිණාමීය රහස් රැසක් තිබෙනවා. බළලුන්ගේ සිරුර තුළ චුම්භක අංශු අඩංගු බව විද්‍යාඥයින් විශ්වාස කරනවා. මේවා පෘථිවියේ චුම්භක ක්ෂේත්‍රය හඳුනා ගැනීමට ඔවුන්ට උපකාරී වෙනවා. හරියට මාලිමාවක් වගේ, උතුරු-දකුණු දිශානතිය තේරුම් ගෙන නිවැරදි ගමන් මාර්ගය තීරණය කිරීමට මෙය ඔවුන්ට ඉඩ සලසනවා. සංක්‍රමණික පක්ෂීන් සහ මුහුදු කැස්බෑවන් වැනි සතුන් ද මේ හැකියාව භාවිතා කරනවා. චුම්බක සංවේදනයට අමතරව, බළලුන් සූර්යයාගේ පිහිටීම උපයෝගී කරගෙන ද දිශාවන් තේරුම් ගන්නවා. සූර්යයා නැඟෙන සහ බසින දිශාව අනුව ඔවුන්ට තම ගමන් මාර්ගය වඩාත් නිවැරදිව තීරණය කළ හැකියි. ඊටත් වඩා වැදගත් වන්නේ ඔවුන්ගේ සුවඳ දැනීමේ ප්‍රබල හැකියාවයි. බළලුන්ට තම භූමියේ හෝ අයිතිකරුවන්ගේ සුවඳ සැතපුම් ගණනක් ඈත සිට වුවද හඳුනා ගැනීමට පුළුවන්. ඔවුන් යන මඟ දෙපස ඇති හුරුපුරුදු සුවඳ සලකුණු, අනෙකුත් සතුන්ගේ සල...

වත්මන් ආණ්ඩුව අබාධ සහිත ප්‍රජාව සමග එක්ව අත්නොහැර ඉදිරියටම යන බව යලිත් තහවුරු කරයි . ඊයේ (05) "සිත් රූ 2025"  ප්‍රසංගය නෙළුම් පොකුණ රඟහලේදී  ජනාධිපති අනුර කුමාර දිසානායක මැතිතුමාගේ ප්‍රධානත්වයෙන් පැවැත්වුණි. අබාධ සහිත පුද්ගලයින් අන්තර්කරණ කිරීමේ ක්‍රියාවලියේදී ඔවුන් තුල සැගව සංස්කෘතික මිනිසා එලියට ඇද ගැනීමට අවශ්‍ය වපසරිය නිර්මාණය කිරීම  ජනතාව විසින් පත්කරනු ලැබූ  ආණ්ඩුවක ප්‍රධාන වගකීමක් බව ආරංචි රාළ සලකයි. එය හුදු එක්දිනයකදී නිශ්චිත ස්ථානයකදී පවත්වනු ලබන වාසටහනකින් ඔබ්බට දිගහැරෙන ක්‍රියාවලියකි. මේවන විට රජය එක් ජාතික ප්‍රතිපත්තියක් ලෙස පිළිගෙන ඇති "එක්ව අත්නොහැර " නම් වූ ආබාධ සහිත පුද්ගලයින් සදහා වන ජාතික ප්‍රතිපත්තිය තුල එය ඉතා පැහැදිලිව දක්වා ඇත. ඒවා ක්‍රියාකාරකම් සහ ක්‍රියාමාර්ග බවට පරිවර්තනය කිරීමේ වගකීම ආණ්ඩුවබාර ගෙන ඇත. "සිත් රූ 2025" එම මහා ක්‍රියාවලියේ එක් සුවිශේෂී වැඩසටහනකි. මෙම වැඩසටහන ආරම්භ කර ඇත්තේ 2016 වසරේදීය.ඉන් අනතුරුව නොකඩවා එය වසර කීපයක්ම පවත්වා ඇති අතර 2019 පසුව නැවත පවත්වා ඇත්තේ 2024 දිය. මේ වසරේදී නැවතත් මෙම වැඩසටහන නෙළුම් පොකුනේදී පැව...

අධාපනය පිලිබදව ජනාධිපතිවරයාගේ දැක්ම අති විශිෂ්ටයි ! අධ්‍යාපන ප්‍රතිසංස්කරණ සම්බන්ධයෙන් ජනාධිපති අනුර කුමාර සහෝදරයා පාර්ලිමේන්තුවේදී කල කතාව ඇසුවෙමි.  එය අති විශිෂ්ට බව ආරංචි රාළගේ අදහසයි!  අධ්‍යාපනය  පිලිබඳ ඒ දැක්ම ( vision ) ඉතා විශිෂ්ටයි. කැනඩාව සහ බොහෝ යුරෝපීය මෙන්ම ජපානය සා දකුණු කොරියාව වැනි  රටවල තිබෙන්නේ එබඳු අධ්‍යාපනයක්. මේ දැක්ම යථාර්ථයක් බවට පත් කරගත හැකිනම් අපට නොලැබුණු 'අනාගතය' ලඟා කරගන්න මේ ඉන්න දරු පරපුරට හැකි වේවි. ජනාධිපතිතුමාගේ  කතාවේ ගුරුවරුන් ගැන කියපු කතාව ඉතා විශිෂ්ටයි.  ඒ   ගැන පුංචි අදහසක්.  කැනඩාව වැනි රටක ගුරුවරයකු වීම යනු   වෛද්‍ය වරයෙක් වගේ වෘත්තියක්. ගුරුවරුන් වෙන්නේ දොස්තරලා වෙන්න ගිහින්, ඉංජිනේරුවෝ වෙන්න ගිහින් හැලෙන උපාධිධාරීන් නොවේ.    පුහුණු වීම් වලට ( Training) ගිහින් ගුරුවරයෙක් වීමත් කල නොහැකියි.  වෛද්‍යවරයෙක් වෙනව වගේ වෙනම නිශ්චිත ක්‍රමවේදයකට සහ පාඨමාලාවකට අනුව ඉගෙන ගන්න ඕනෑ.  ගුරු වෘත්තීය තෝරාගන්නා අය තමන් උගන්වන්නට අපේක්ෂා කරන විෂයයන් තුනක්   සමග අධ්‍යාපන විද්‍යාව එකට ඉගෙන ගන්...

තරුණ සේවා සභාව දේශපාලනීකරණය නොවිය යුතුමය ! තරුණ සේවා සභාව ස්ථාපිත කරනු ලැබුවේ 1967 අංක 11 දරණ ස්වෙච්ඡා ජාතික තරුණ සේවා පනත යටතේ 1969 ජනවාරි 29 වෙනි දින එක්සත් ජාතික පක්ෂ ආණ්ඩුව සමයේදීය.  1970 ශ්‍රී ලංකා නිදහස් පක්ෂ ප්‍රමුඛ සමගි පෙරමුණු ආණ්ඩුව බලයට පත්වී වසරකට අඩු කාලයක් තුලදී ජනතා විමුක්ති පෙරමුණ විසින් මෙහෙයවන ලද හැත්තෑ එකේ කැරැල්ල ඇති විය.  එම කැරැල්ල සෘජුවම සමගි පෙරමුණ ආණ්ඩුවට එරෙහිව දියත් වූ කැරැල්ලකට වඩා ඒ වන විට පැවති පාලන ක්‍රමවේදයට එරෙහිව තරුණියන්ගේ නැගිටීමක් ලෙස සැලකිය හැක. කෙසේවෙතත්, සමගි පෙරමුණ ආණ්ඩුව තරුණ සේවා සභාව පිළිබඳව එතරම් විශ්වාසයක් තැබූ බවක් නම් පෙනෙන්නට නැත. සමහර විට එය එක්සත් ජාතික පක්ෂය විසින් ආරම්භ කළ නිසා විය හැක. කෙසේ වෙතත් 1977 බලයට පත් වූ එක්සත් ජාතික පක්ෂ ආණ්ඩුව 1980 ජනවාරි 01 වෙනිදා වඩා ශක්තිමත්, එසේම ආණ්ඩුවේ පූර්ණ අධිකාරීත්වය ඇතුව 1979 අංක 69 දරණ ජාතික තරුණ සේවා පනත යටතේ ජාතික තරුණ සේවා සභාව පිහිටුවන ලදී. එක්සත් ජාතික පක්ෂ ආණ්ඩුව ජාතික තරුණ සේවා සභාව වඩා ශක්තිමත් තරුණ සංවිධානයක් ලෙස ඉදිරියට ගෙන ඒම පිටුපස හේතු ගණනාවක් තිබුණි. එම හේතු බොහෝම...