බළලුන් පිළිබදව රසවත් හෙළිදරව්වක් !.jpg)
.jpg)
බළලුන් අතුරුදහන් වූ විට සැතපුම් ගණනක් දුර සිට වුවද නැවත නිවසට පැමිණි කතා ඔබ අසා ඇති. මෙය හුදු අහම්බයක් නොව, ඔවුන් සතු පුදුමාකාර හැකියාවකි. විද්යාඥයින් මෙය හඳුන්වන්නේ "Psi-trailing" ලෙසයි. මෙම හැකියාව පිටුපස විද්යාත්මක සහ පරිණාමීය රහස් රැසක් තිබෙනවා.
බළලුන්ගේ සිරුර තුළ චුම්භක අංශු අඩංගු බව විද්යාඥයින් විශ්වාස කරනවා. මේවා පෘථිවියේ චුම්භක ක්ෂේත්රය හඳුනා ගැනීමට ඔවුන්ට උපකාරී වෙනවා. හරියට මාලිමාවක් වගේ, උතුරු-දකුණු දිශානතිය තේරුම් ගෙන නිවැරදි ගමන් මාර්ගය තීරණය කිරීමට මෙය ඔවුන්ට ඉඩ සලසනවා. සංක්රමණික පක්ෂීන් සහ මුහුදු කැස්බෑවන් වැනි සතුන් ද මේ හැකියාව භාවිතා කරනවා.
චුම්බක සංවේදනයට අමතරව, බළලුන් සූර්යයාගේ පිහිටීම උපයෝගී කරගෙන ද දිශාවන් තේරුම් ගන්නවා. සූර්යයා නැඟෙන සහ බසින දිශාව අනුව ඔවුන්ට තම ගමන් මාර්ගය වඩාත් නිවැරදිව තීරණය කළ හැකියි.
.jpg)
ඊටත් වඩා වැදගත් වන්නේ ඔවුන්ගේ සුවඳ දැනීමේ ප්රබල හැකියාවයි. බළලුන්ට තම භූමියේ හෝ අයිතිකරුවන්ගේ සුවඳ සැතපුම් ගණනක් ඈත සිට වුවද හඳුනා ගැනීමට පුළුවන්. ඔවුන් යන මඟ දෙපස ඇති හුරුපුරුදු සුවඳ සලකුණු, අනෙකුත් සතුන්ගේ සලකුණු සහ වෙනත් පරිසර සුවඳවල් ඔවුන්ගේ "අභ්යන්තර සිතියම" නිර්මාණය කිරීමට උපකාරී වෙනවා.
බළලුන්ගේ මෙම "homing instinct" ඔවුන්ගේ පරිණාමීය ගති ලක්ෂණයක් ලෙස සැලකිය හැකියි. වන සතුන් ලෙස සිටි යුගයේදී, තම භූමිය සොයා ගැනීම සහ තම පැවැත්ම තහවුරු කර ගැනීම සඳහා මෙම හැකියාව ඔවුන්ට ඉතා වැදගත් වුණා.
ඔබේ සුරතල් බළලාටත් මෙවැනි හැකියාවක් තිබෙනවා. නමුත් ඔවුන් අතරමං වීම වැළැක්වීම සඳහා සැමවිටම ඔවුන් ගැන අවධානයෙන් සිටීම වැදගත්.
ආරංචි රාළ 2025.08.10 131 වන දිගහැරුම
සුරතල් පූසන් ඇති කරන්නන්ගේ සංගමයේ FB පිටුවෙනි.
Comments
Post a Comment