ඇමෙරිකාව සංක්‍රමිකයින්ගේ රටක්!
ගරු මරාන් එඩ්ගාර් බුඩේ බිෂොප්තුමිය ඩොනල්ඩ් ට්‍රම්ප් ට මතක් කර දෙයි.
දිවුරුම් දීමත් සමග ඩොනල්ඩ් ට්‍රම්ප් ජනාධිපතිවරයා ලෙස විධායක නියෝග ගණනාවකට අත්සන් කළේය. සංක්‍රමිකයන්ගේ භුමියේ උපන් අයිතිය, ස්ත්‍රී - පුරුෂ වශයෙන් මිස වෙනත් ලිංගික අනන්‍යතාවයන් ඇමෙරිකාවේ නැතිබව සහ පැරිස් පරිසර සම්මුතියෙන් ඉවත්වීම, ඒ අතරින් ප්‍රධාන වන නියෝගයන් කීපයකි. මෙම නියෝග ක්‍රියාත්මක කිරීමට ඔහුට සෙනෙට් අනුමැතිය මෙන්ම ශ්‍රේෂ්ඨධිකරණයේ අනුමැතිය ගත යුතුව ඇතත් ඔහුගේ මේ නියෝග බොහෝ දෙනෙකු භීතියට පත්කර ඇත.
ඩොනල්ඩ් ට්‍රම්ප් ජනාධිපතිවරයා ලෙස දිවුරුම්දෙන දිනයේ පවත්වන විශේෂ දේව මෙහෙයකදී ගරු මරාන් එඩ්ගාර් බුඩේ බිෂොප්තුමිය තම දේශනාව අතරේදී මේ නියෝග පිලිබදව සදහන් කරයි.
“ජනාධිපතිතුමනි, මට අවසාන වශයෙන් එක් ඉල්ලීමක් කිරීමට ඉඩ දෙන්න. මිලියන ගණනක් ඔබ කෙරෙහි විශ්වාසය තබා ඇති අතර, ඔබ ඊයේ ජාතියට පැවසූ පරිදි, ඔබට ප්‍රේමණීය දෙවි කෙනෙකුගේ භාරකාර හස්තය දැනී ඇත. දැන් බයවෙලා ඉන්න අපේ රටේ මිනිස්සුන්ට අනුකම්පා කරන්න කියලා අපේ දෙවියන්ගේ නාමයෙන් මම ඔබෙන් ඉල්ලනවා. ඩිමොක්‍රටික්, රිපබ්ලිකන් සහ ස්වාධීන දේශපාලන පක්ෂ වල ඔබට ඡන්දය දුන් සහ නොදුන් පවුල්වලත් සමලිංගික සහ සංක්‍රාන්ති ලිංගික දරුවන් ඇත, ඔවුන්ට දැන් තම ජීවිතය ගැන බියක් ඇතිවී තිබේ.
අපේ ගොවිබිම් වල භෝග නෙළන, කාර්යාල ගොඩනැගිලි පිරිසිදු කරන, කුකුළු ගොවිපළවල සහ මස් ඇසුරුම් කර්මාන්ත ශාලාවල වැඩ කරන, ආපනශාලාවලින් ආහාර ගැනීමෙන් පසු පිඟන් සෝදන, රෝහල්වල රාත්‍රී මුරවල වැඩ කරන අය, ඇමරිකාවේ පුරවැසියන් හෝ නිසි ලියකියවිලි නොමැති අය විය හැකිය. සංක්‍රමණිකයන්ගෙන් අති බහුතරය අපරාධකරුවන් නොවේ. ඔවුන් බදු ගෙවන අතර අපේ හොඳ අසල්වැසියෝය. ඔවුන් අපේ දේවස්ථානවල, පල්ලිවල, සිනගෝවල, කෝවිල් වල සහ පන්සල්වල විශ්වාසවන්ත සාමාජික සාමාජිකාවෝ වෙති.
ජනාධිපතිතුමනි, තම දෙමාපියන් රැගෙන යනු ඇතැයි බියෙන් සිටින අපගේ ප්‍රජාවන්ට අනුකම්පා කරන ලෙසත්, යුද කලාපවලින් සහ තම රටවල හිංසා පීඩාවලට ලක්ව පලා යන අයට දයාව සොයා ගැනීමට සහ මෙහි පිළිගැනීමට ඔබ උදව් කරන ලෙසත් මම ඔබෙන් ඉල්ලා සිටිමි.
ජනාධිපතිතුමනි, තම දෙමාපියන් රැගෙන යනු ඇතැයි බියෙන් සිටින අපගේ ප්‍රජාවන්ට අනුකම්පා කරන ලෙසත්, යුද කලාපවලින් සහ තම රටවල හිංසා පීඩාවලට ලක්ව පලා යන අයට දයාව සොයා ගැනීමට සහ මෙහි පිළිගැනීමට ඔබ උදව් කරන ලෙසත් මම ඔබෙන් ඉල්ලා සිටිමි.
ආගන්තුකයාට අනුකම්පා කළ යුතු බව අපගේ දෙවියන් වහන්සේ අපට උගන්වයි, මන්ද අප සියල්ලෝම වරක් මේ දේශයේ ආගන්තුකයන් වූ බැවිනි. සෑම මනුෂ්‍යයෙකුගේම අභිමානයට ගෞරව කිරීමටත්, එකිනෙකාට ප්‍රේමයෙන් සත්‍යය කථා කිරීමටත්, සියලු මිනිසුන්ගේ යහපත පිණිස, සියලු මිනිසුන්ගේ යහපත පිණිස, එකිනෙකා හා අපගේ දෙවියන් සමඟ නිහතමානීව ගමන් කිරීමට දෙවියන් වහන්සේ අපට ශක්තිය හා ධෛර්යය ලබා දෙත්වා.
ආරංචි රාළ ¨ 2025 .01.23. # 21 වන දිගහැරුම - සංස්කාරක : අරුණ ශාන්ත නෝනිස් (අශානෝ)
Comments
Post a Comment