ඉතා සෙමින් සහ පරිස්සමෙන් වචන හසුරුවන නමුත්  තමා ප්‍රකාශ කරන සෑම වචනයකටම  අර්ථයක් දෙන්නට උත්සාහ කළ  සමන් හමන්ගොඩ. රාජ්‍ය නොවන සංවිධානය වල කාර්යභාරය  ඉතා නිවැරදි ලෙස හඳුනාගත් ප්‍රජා  සංවර්ධන උපදේශකවරයෙකු ලෙස ආරංචි රාළ සමන් හමන්ගොඩ හඳුන්වයි කැලණිය විශ්ව විද්‍යාලයේ වාණිජවේදී විශේෂ උපාධිය ලබාගෙන 1984 වන විට ඉන් පිටවන සමන් හමන්ගොඩ තමන්ගේ ජීවිතයේ වැඩි කාලයක් ගත කරන්නේ රාජ්‍ය නොවන සංවිධාන( NGOs) වල සේවය කිරීම සඳහාය. සරසවි ශිෂ්‍ය දේශපාලනය තුළ ඉදිරිපෙළ සිට නායකත්වය නොදැරුවත් එවකට පැවැති ජේ.ආර්. ජයවර්ධනලාගේ යූඑන්පී සිසු මර්දනකාරී ආණ්ඩුවට එරෙහිව ශිෂ්‍ය ක්‍රියාකාරකම්වලදී ඒවා නිසි පරිදි සැලසුම් කිරීම සඳහා ඔහු තීරණාත්මක දායකත්වයක් ලබා දුන්නේය. ඉතා සෙමින් සහ පරිස්සමෙන් වචන හසුරුවන සමන් තමා ප්‍රකාශ කරන සෑම වචනයකටම  අර්ථයක් දෙන්නට උත්සාහ කළ කෙනෙකි. ඔහුට මේ රට පිළිබඳව පැහැදිලි දැක්මක් තිබුණි. ඒ සඳහා විවිධ කණ්ඩායම් එකිනෙකට වෙනස් ක්‍රියාකාරකම්  වල නිරතව සිටින විට තමාගේ සමාජ මෙහෙවර ඉටු කිරීම සඳහා ඔහු තෝරා ගත්තේ රාජ්‍යය නොවන සංවිධාන ක්ෂේත්‍රයයි. මුල් කාලයේදී බිම මට්ටමේ ක...

වෘත්තීය සමිති සහ රාජ්‍ය නොවන සංවිධාන වලට  හුදු පුද්ගල කේන්ද්‍රීයව කරන විවේචන වලින් ඔබ්බට දිවෙන පුළුල් විමර්ශනාත්මක දෘෂ්ටියක්  තිබිය යුතුය! ජනාධිපතිවරයාගේ ආර්ථික උපදේශක ලෙස කටයුතු කරන දුමින්ද හුළංගමුව එම තනතුරින් ඉවත් කරන්නැයි වෘත්තීය සමිති සහ රාජ්‍ය නොවන සංවිධාන කීපයක් ජනාධිපතිවරයාගෙන් ඉල්ලා ඇති බවට සමාජ මාධ්‍ය වාර්තා ඔස්සේ  ආරංචි රාළට දැනගත්තේය. එම ඉල්ලීම කරන ලිපියට අත්සන් කර ඇති වෘත්තීය සමිති සහ රාජ්‍ය නොවන සංවිධාන එවැනි ඉල්ලීමක් කරන්නේ දුමින්ද හුළංගමුව මහතාගේ අතීත ක්‍රියාකාරකම් පිළිබඳව විමර්ශණය කරමින් බව පෙනේ. ලිපිය යොමුකර ඇති කණ්ඩායම මුදල් ලේකම්  මහින්ද සිරිවර්ධන ඉල්ලා එම තනතුරින් ඉල්ලා අස්වීමට නියමිත බවත් එසේ වුවහොත් එම තනතුරට දුමින්ද හුළංගමුව පත් නොකළ යුතු බවටද ජනතිපතිවරයාගෙන් ඉල්ලිමක් කර ඇත. මෙම ඉල්ලීම කරන වෘත්තිය සමිති සහ රාජ්‍ය නොවන සංවිධාන කීපයක සාමාජික සාමාජිකාවෝ සෘජුවම ජාතික ජන බලවේගය ආණ්ඩුව පිහිටුවීම සඳහා කිසියම් නිශ්චිත දායකත්වයක් ලබා දුන් බව ආරංචි රාළ හොඳින් දන්නා අතර වෘත්තිය සමිති සහ සිවිල් සමාජ සංවිධාන වලට මෙවැනි ඉල්ලීමක් කිරීම කිසිදු වාදයකින් තොරව ප...

අස්වැසුම අවුල් ජාලාවක් - පැහැදිලි දිශානතියකට හැරවීමට NPP ආණ්ඩුව ' U'   යූ  ටර්න් එකක් ගත යුතුය. ඕනෑම සමාජ සුභසාධන වැඩසටහනක අවසාන  අරමුණ ජනතාව බලගැන්වීම විය යුතුය. මේ අස්වැසුම එම නමින් හෝ වෙනත් නමකින් තවදුරටත් ඉදිරියට පවත්වාගෙන යාමට පවතින ආණ්ඩුව අදහස් කරන්නේනම් ආරංචි රාළ කතා කරන මේ ජනතාව බලගැන්වීමේ ( Empowerment ) අරමුණ මෙම වැඩසටහනේ ඉදිරියෙන් තබා ගත යුතුමය. මේ වන විට අවුල් ජාලාවක් බවට පත්ව ඇති අස්වැසුම සමාජ සුභසාධන වැඩසටහන පිළිබඳව විවිධ මත සමාජය තුළ පැතිරෙමින් පවතී. රනිල් වික්‍රමසිංහ විසින් නිශ්චිත සැලැස්මක් නැතිව ආරම්භ කළ මෙම ඊනියා   සමාජ සුභසාධන වැඩසටහන සඳහා ප්‍රතිලාභීන් තෝරා ගැනීමේදී සිදුව ඇති දුර්වලතාවයන් පිළිබඳව ජනතාව චෝදනා කරන විට බලයේ සිටින ආණ්ඩුවට ඒ චෝදනා කිසිවක් නොසලකා හැර සිටිය නොහැකිය.. ප්‍රතිලාභීන් තෝරා ගැනීම සඳහා ආණ්ඩුව අනුගමනය කර ඇති ක්‍රමවේදය සහ නිර්නායකයන් පිළිබඳව ජනතාවට වැටහීමක් නොමැති අතර එවකට පැවති ආණ්ඩුව ඒ ගැන ජනතාව දැනුවත් කලේද නැත. ඔවුන් පවසන්නේ නියත වශයෙන්ම අස්වැසුම ලැබිය යුතු බොහෝ පවුල්වලට එය නොලැබෙන බවත් නොලැබිය යුතු බොහෝ දෙනෙකුට අස්වැසුම ...

නැතිවී ගිය බලය යලි තහවුරු කර ගැනීමට උතුරු නැගෙනහිර දෙමල සහ මුස්‌ලිම් දේශපාලන පක්ෂ ලොකු උත්සාහයක. ජනාධිපතිවරණයේදී ජාතික ජන බලවේගයේ අපේක්ෂකයාට උතුරු නැගෙනහිර ප්‍රධාන දේශපාලන පක්ෂ සහයෝගය දුන්නේ නැත. එහෙත් ඒ වනවිට පාර්ලිමේන්තුව තුල සැලකියයුතු නියෝජනයක් පවත්වාගෙන ගිය ප්‍රධාන දෙමල සහ මුස්ලිම්  දේශපාලන පක්ෂ රනිල් වික්‍රමසිංහ සහ සජිත් ප්‍රේමදාසට උතුරු නැගෙනහිර ඡන්ද ලබාදීමට යම් එකගතාවයකින් යුතුව කටයුතු කළ බව ආරංචි රාළට හොදට මතකය.එහි ප්‍රතිපලය වුයේ උතුරු නැගෙනහිර දෙමල සහ මුස්‌ලිම් ජනතාවගෙන් ඉතා පැහදිලි බහුතර ඡන්ද ප්‍රමාණයක් සජිත් ප්‍රේමදාස සහ රනිල් වික්‍රමසිංහ ලබා ගැනීමයි. ජාතික ජන බලවේගය කිසිදු දේශපාලන පක්ෂයක් සමග ජනාධිපතිවරණයේදී ඩිල් දැමුවේ නැත. උතුරු නැගෙනහිර දෙමල සහ මුස්‌ලිම් ජනතාවගේ ඡන්දය ඉතිහාසයේ සෑම අවස්ථාවකදීම ලබා  දුන්නේ දෙමල සහ මුස්ලිම් දේශපාලන පක්ෂ විසින් සහය දක්වන අපේක්ෂකයාටය.කදුකරයේ පැවතියේද මෙම තත්ත්වයමයි. එහෙත් මෙවර ජනාධිපතිවරණයේදී ප්‍රධාන දේශපාලන පක්ෂ නියෝජනය කල අපේෂකයින් අතරින් ජාතික ජන බලවේගයේ අනුර කුමාර දිසානනයට සැලකිය යුතු ඡන්ද ප්‍රමාණයක් ලබා ගත හැකිවීම විශේෂත්වයකි. ...

උපාධිධාරින් උද්ඝෝෂණය කළ යුත්තේ තමන්ගේ අභිමානය වෙනුවෙනි . එසේ නොමැති වුවහොත්, දේශපාලකයන්ගේ කකුල් දෙක ළඟ දෙකට නැවී උස නම් සිකුරිටි, මිටිනම් කම්කරු රස්සා ඔවුන්ට ලබා ගැනීමට සිදුවනු ඇත රැකියා විරහිත උපාධිධාරීන් තමන්ට රැකියා අවස්ථා ලබා දෙන ලෙස රජයට බල කරමින් කරන උද්ඝෝෂණ පිළිබඳව නැවත වරක් මේ දිනවල මාධ්‍ය වාර්තා කරමින් සිටි. වසර 15 - 17 වැනි කාලයක් තිස්සේ අධ්‍යාපනය ලබා අවසානයේදී තමන් කිසියම් දැනුම් සම්භාරයකින් පෝෂිත බව තහවුරු කරන සහතිකයක්ද ඇතිව සිටින උගත් තරුණ කණ්ඩායමක් තමන්ට ජීවත්වීම සඳහා ආණ්ඩුවෙන් රස්සාවක් ඉල්ලා උද්ඝෝෂණය කිරීම සැබැවින්ම ඛේදවාචකයකි. රටේ ජනතාවට අවශ්‍ය රැකියා ජනිත කරවීම ආණ්ඩුවේ වගකීමකි. ඒ පිළිබඳව විවාදයක් නැත. එහෙත් උගත් උපාධිධාරීන්ට රජයෙන් රැකියා ඉල්ලා සිටීමට සදාචාරාත්මක අයිතියක් නැති බවයි ආරංචි රාළගේ අදහස. මක්නිසාදයත්, ඔවුන්ගෙන් ජනතාව අපේක්ෂා කරන්නේ රටට අවශ්‍ය රැකියා අවස්ථා ජනිත කරවීමය. අවාසනාවකට අද බොහෝ තරුණ තරුණියන් රජයේ රැකියාවක් සඳහා යොමු වන්නේ පසු කාලයේ හිමිවන විශ්‍රාම වැටුප නිසාය. එයින් ගම්‍ය වන්නේ අනාගතය පිළිබඳව ඇති අවිනිශ්චිත බව පරාධීන බව නොවේද? පසුගිය කාලයේ විවිධ...

රජයේ මාධ්‍ය පුනරුදයකට මග කියන මාධ්‍ය මෙහෙවරක නිරතවිය යුතුයි . පසුගියදා අයවැය විවාදය අවසන් කරමින් "තවදුරටත් මාධ්‍යට මෙරටේ ආණ්‌ඩු වෙනස් කළ  නොහැකි බව සහ  එය 2019 දී අවසන්වූ බව ජනාධිපතිවරයා  පැවසු කතාවේ යම් සත්‍යයක් ඇතිබව ආරංචි රාළ පිළිගත්තද තවමත් මාධ්‍යයට ජන මනස මෙහෙයවීමට ඇති හැකියාව අවතක්සේරු නොකළ යුතු බව අවදාරණය කරයි . මේ වනවිට රුපවාහිනී නාලිකාවන් බොහොමයක් දවසේ වැඩි කාල වෙලාවක් ක්‍රියාත්මක වන අතර විශේෂයෙන් එෆ් එම් නාලිකා බොහොමයක් දවසේ පැය විසිහතරම ක්‍රියාත්මකයි.මින් අදහස් කරන්නේ මේවා ඔස්සේ   ප්‍රචාරය වන තොරතුරු කවුරුන් හෝ නරබන්නේ හෝ ශ්‍රවණය කරන බවය. එසේම සමාජ මාධ්‍යය සෑම මොහොතකම ජනතාව සමිපයේමය.එබැවින් වැරදි නිවැරදි තොරතුරු ජනතාව වෙත ගලායනු අතර ජනතාවගේ තීරණවලට එය විශාල බලපෑමක් කරයි. අපේ රටේ බහුතර ජනතාවකට රුපවාහිණය තවමත් විනෝදාස්වාදය සපයන ප්‍රධාන මාධ්‍යයයි. මේ තරම් ප්‍රමාණයක්, ටෙලිනාට්‍ය,රියලිටි වැඩසටහන්,සංගීත වැඩසටහන් සහ විවිධ රටවල චි ත්‍රපට ප්‍රචාරය වන්නේ ඒ නිසාය.මෙවන් විනෝදාශ්වාදය වැඩියෙන් සපයන රුපවාහිනී නාලිකා ඉදිරියේ වැඩි ජනතාවක් වාඩිවී  සිටින්නේ ඒ නිසාය....

" වර්තමාන නායකයින් හා මැති ඇමතිවරු රටේ පවතින ආර්ථිකය සැලකිල්ලට ගෙන තමන්ට හිමි සියලු වරප්‍රසාද අත්හැර දැමීම ඉතාමත් ආදර්ශමත් පිළිවෙතක්."                                   ගරු සරත් ඉද්දමල්ගොඩ පියතුමා . "අපේ පාර්ලිමේන්තුව තුල මින් පෙර කවුරුන් විසින් හෝ සිදු කල කථා අතුරින් හොදම කතාව වන්නේ වර්තමාන ජනාධිපති අනුර කුමාර දිසානායක මහාතා  ඊයේ (මාර්තු 21) සිදු කල කථාවයි." තමා මින් පෙර  කිසි දිනක එවන් අර්ථවත් කථාවක් අසා නැති බව ඉද්දමල්ගොඩ පියතුමා ආරංචි රාළට පැවසිය. තවදුරටත් අදහස් දැක්වූ පියතුමා; "පසුගිය කාලය තුල විනාශ වූ රට ශක්තිමත් ස්ථාවරයකට ගන්නා ආකාරය එම කතාව තුල තර්කානුකුලව සහ පියවරෙන් පියවර එතුමා විස්තර කළහ.   තවද දැනට රටේ ආර්ථිකය පවතින ශක්ති ප්‍රමාණය අනුව රජයේ සේවකයින්ට මෙන්ම, අසරන ජනතාවගේ සුබ සිද්ධිය සදහා මුදල් මෙවර අය වැයෙන් වෙන් කර තිබේ. ආර්ථිකය දැනට වඩා යහපත් වූ    විට තව සහන පොරොන්දු විය. ඉදිරිපත්වූ වූ එම වැඩ පිළිවෙලට වඩා හොද වෙනත් වැඩ පිළිවෙලක් යෝජනා කිරීමට තිබේදැයි එතුමා විපක...

දේශබන්දු අපරාධකාරයෙක්, මොහුගේ නිවස ගෙයක් නෙවෙයි ඒක ඉස්කාගාරයක්.  මොහු සංවිධානාත්මක අපරාධකරුවන්ට වඩා භයානක තැනැත්තෙක්!   අතිරේක සොලිසිටර් ජනරාල් දිලීප පිරිස්.   "ස්වාමීනී අද පෙරවරුවේ මට ආරංචියක් ලැබුණා අත්අඩංගුවට ගැනීම සඳහා විවෘත වරෙන්තු නිකුත් කර තිබෙන මේ සැකකරු ටයිකෝට් වලින් සැරසි බෙන්ස් රථයකින් ඇවිත් මාතර උසාවිය තුළ වාඩිවෙලා ඉන්නවා කියලා. ඒක සැල වීමෙන් පසුවයි මා මේ අධිකරණයේ පෙනී සිටින්න තීරණය කළේ. මේ මෝසම ගැන අපට දැනුම් දීමක් නොකර හොර පූසා වගේ උසාවියට ඇවිත් පාලු ගෙයි වලන් බිඳලා ඇප අරගෙන යන්න මේ සැකකරු හිතාගෙන ඉන්න ඇති. මම උසාවියට එන අවස්ථාවෙත් මේ සැකකරු ටයිකෝට් වලින් සැරසිලා පෙළේ බංකුවක වාඩිවී සිටියා. ස්වාමීනී මම අහන්න කැමතියි. මොහු බංකුවක වාඩිවෙලා ඉන්නේ කොහොමද? ඔහු සිටිය යුත්තේ කූඩුවේ."   "මොහු අපරාධකාරයෙක් . අපරාධකරුවෙකු උසාවියට එන්න ඕනේ බිම දිගේ බඩගාගෙන. මෙහෙම සිංහ ලීලාවෙන් ඇවිත් ඉන්න බෑ. මොහු ෆෝන් ඕෆ් කරගෙන යටිකූට්ටු ගේම් ගහමින් දින විස්සක් පමණ අධිකරණය මගහැර හැංගිලා සිටියා. සංවිධානාත්මක අපරාධකරුවන් හැටියට සැලකෙන මාකඳුරේ මදුෂ් , හරක් කටා වැනි අපරාධකරුවන්ට...

දේශබන්දුගෙන් පටන් ගෙන, සිරගත කළ යුතුම  පාදඩ දේශපාලන සංස්කෘතිය! ආරංචි රාළ පුද්ගලයන් ඉලක්ක කරගෙන විවේචනය කරන්නෙ  හෝ චෝදනා එල්ල කරන්නෙ  නැත. එහෙත් මේ දේශබන්දු තෙන්නකෝන් ගැන නම් යමක් නොකියාම බැරිය. ආරංචි රාළ ලියන මේ සටහන සැබවින්ම ඔහු පමණක් නොව ඔහු සෘජුවම නියෝජනය කරමින් පෙනී සිටින  පාදඩ සහ ජඩ දේශපාලන කණ්ඩායම් විසින් මේ රටතුල නිර්මාණය කළ අශිලාචාර දේශපාලන සංස්කෘතිය පිළිබදවය. 2022 පැවති අරගලයේ එක්තරා තීරණාත්මක දිනයකදී රාජපක්ෂලාගේ බිද වැටෙමින් තිබූ දේශපාලන අධිරාජ්‍ය ආරක්ෂා කර ගැනීමේ අවසාන පියවරක් ලෙස අරගලයට රාජපක්ෂලාගේ මැරවරයින් ලවා පහරදීම පිටුපස දේශබන්දු තෙන්නකෝන් සිටි බව කිසිවෙකුට රහසක් නොවේ.   ඔහු සිටියේ පොලු අතැතිව   අරගලකරුවන්ට පහරදුන් මැරයින් සමගය. ඒ පිළිබඳව ඇසින් දුටු සාක්ෂි තිබුණත් ඔහුට එරෙහිව නීතිය ක්‍රියාත්මක කිරීමට එම අරගලයේ ප්‍රතිඵලයක් ලෙස පලා ගිය ගෝඨභය රාජපක්ෂ වෙනුවට අනුපාත්‍රික ජනාධිපතිවූ රනිල් වික්‍රමසිංහ කිසිම උත්සාහයක් දැරුවේ නැත. එ පමණක් නොව මූලික අයිතිවාසිකම් උල්ලංඝනය කිරීමකට ශ්‍රේෂ්ඨාධිකරණය වැරදිකරුවකු කරන ලදුව තිබියදීත් දේශබන්දුව   මේ රටේ...

ආණ්ඩුව   ආබාධ සහිත ප්‍රජාව සමග එක්ව අත්නොහරින   ගමනක. ජාතික ජන බලවේගයේ පාර්ලිමේන්තු මන්ත්‍රී සුදත් වසන්ත සිල්වා සහෝදරයා ප්‍රකාශ කරන ආකාරයට මේ වනවිට විවිධ ආබාධ සහිත පුද්ගලයින් ලක්ෂ 16 ආසන්න ප්‍රමාණයක් ශ්‍රී ලංකාවේ ජීවත් වෙති.   අවාසනාවකට මෙරට පාලනය කරන බොහෝ දේශපාලන පක්ෂ සහ දේශපාලන නායකයින් මෙම ප්‍රජාව පිළිබඳව කිසියම් උනන්දුවක් දැක්වූවා නම් ඒ මැතිවරණයක් ආසන්නයේදී පමණි. එම අවස්ථාවේදී වුවද ඔවුන් "අනේ පව් අහිංසකයෝ " යයි කියමින් ඡන්දය ලබා ගැනීම සඳහා ඔවුන්ට විවිධ ආධාර ලබා දුන්නා මිස අපේ රටේ ආබාධ සහිත ප්‍රජාව මුහුණ දෙන සැබෑ ප්‍රශ්න හඳුනා ගෙන එම ප්‍රජාව සමස්ත සමාජය සමඟ අන්තර්කරණය කර ඔවුන්ට අභිමානවත් ජීවිතයක් උදාකර දීමට කිසිවක් කළේ නැත. ජාතික ජන බලවේගයට සම්බන්ධව සිටින සිවිල් සමාජ කණ්ඩායම් මේ පිළිබඳව දැඩි උනන්දුවකින් කටයුතු කළ අතර එහි ප්‍රතිඵලයක් ලෙස විවිධ ක්ෂේත්‍ර පිළිබඳව ජාතික ජන බලවේගයේ වැඩපිළිවෙළ සහ ක්‍රියාකාරකම් සහතික කරන ප්‍රතිපත්ති ප්‍රකාශන අතරට ,"එක්ව අත් නොහැර" නමින් සුවිශේෂී ප්‍රතිපත්ති ප්‍රකාශනයක්  ජනගත කළේය. කොළඹ පදනම් ආයතනයේදී පැවැත්වූ මේ ප්‍රතිපත්ති   ප්‍ර...

  මම කතෝලිකයෙක් නොවෙමි . ශ්‍රී ලංකාව ක්‍රිස්තියානි ආගම් හඳුනාගත්තේ බටහිර ජාතීන් හරහාය.  1505 දී මෙහි පැමිණි පෘතුගීසීන් කතෝලික සභාවද, 1656 දී ලන්දේසීන් ඕලන්ද   රෙප්‍රමාදු   සභාවද, 1796 දී ඉංග්‍රීසින් ඇන්ග්ලිකානු සභාවද හඳුන්වා දුන්හ. කතෝලික දහම වැළඳ ගැනීමට වැඩිපුරම පෙළඹුණේ මුහුදුබඩ පළාත්වල වැසියන්ය. එයට හේතුව වූයේ දුෂ්කර දිවි පෙවෙතක් ගත කළ මුහුදුබඩ ජනයාට කතෝලික සභාවේ වත් පිළිවෙත් තුළින් එක්තරා ආකාරයක මානසික වින්දනයක් ලැබීමය. ඕලන්ද රෙප්‍රමාදුවටත්, ඇන්ගිලිකානු සභාවටත් මේ මිනිසුන් කතෝලික සභාවෙන් කඩා වෙන්කර ගැනීම පහසුු නොවීය.  ඕලන්දයන්ට සහ ඉංග්‍රීසින්ට අවශ්‍ය වූයේ තම පාලන බලය ස්ථාවර කර ගැනීමය.   සාමාන්‍ය ජනතාව තම සභාවන්ට හරවා ගැනීමේ අවශ්‍යතාවයක්ද ඔවුන්ට නොවීය. ඔවුන්ට අවශ්‍ය ආකාරයේ ඉහළ සමාජයේ ප්‍රභූ කොටස් නාගරිකව වාසය කළ අතර තනතුරු, ඉඩකඩම්, නම්බුනාම මගින් ඔවුන් දිනා ගැනීමද පහසු විය රාජකීය, තෝමස් වැනි පාසල් බිහිකර ගත්තේ මේ ප්‍රභූ පන්තිය පාලක කටයුතුවලට හුරු කර ගැනීම පිණිසය.  20 වන සියවස මැදදී ඉංග්‍රීසීන්ගෙන් පාලනය තමන් අතර ගත් ප්‍රභූ පිරිස් බිහි වූයේ මේ පාසැල් ...

විමුක්ති අරගළයේ ජුදාස් ස්කාරියොත්.   ඔහු, නැවත කියවියයුතු චරිතයක්! මුස්ළිම් භක්තිකයන්ගේ රාමදාන් සමයද, කිතුණුවන්ගේ චතාරික සමයද එළඹ තිබේ. මේ සමය තුළ කිතුණුවන් සිහිපත් කරන චරිත අතර ජුදාස්ද වේ. ඔහුගේ චරිතය වර්ණවත් කර ඇත්තේ මුදලට ලෝභකමින් ජේසුතුමාව නායක පූජකයන්ට පාවා දුන් දුෂ්ඨයා ලෙසය. ජනප්‍රවාදයන්ට අනුව ජේසුතුමා සහ ශ්‍රාවකයන්ගේ අවශ්‍යතා සඳහා වැය වූ මුදල් පරිහරණය කළ පුද්ගලයා ඔහුය.  එය හුදෙක් ඔහු මුදලට කෑදරයකු බව කියාපෑමට ගෙතු කතාවක් විය හැකියි. මේ කරුණ සනාථ කරණ සාක්ෂි ද නැත. තමන් වෙත රැස් වන සෙනඟට ආහාර දිය යුතු බව ජේසුතුමා පවසන්නේ ශ්‍රාවකයන්ටය. එතරම් සෙනගකට ප්‍රමාණවත් කෑම සපයා ගැනීමට නම් කෑම මිළට ගත යුතු යැයි පවසන්නේ ද ශ්‍රාවකයන්ය.  තවත් අවස්ථාවකදී සෙනගට කෑම සැපයීමට එක් මිනිසෙක් මාස අටක් වැඩ කර උපයන මුදලට සමාන මුදලක් අවශ්‍ය බව ශ්‍රාවකයෝ පවසති. ජුදාස්ගේ නම මේ කිසි අවස්ථාවක කියැවෙන්නේ නැත. මේ කාලය වන විට ජුදා ජාතිකයින්ගේ ප්‍රාර්ථනය වූයේ තම ප්‍රදේශය රෝම අධිරාජ්‍යයෙන් මුදා ගැනීමට නායකයෙකුගේ පහළ වීමයි. ජේසුතුමාගේ ශ්‍රාවකයන් තුළද මේ පැතුම නිසැකවම තිබුණි . එබඳු දේශපාලනික මතයක් ...