අහෝ යුක්රේනය ! සෙලෙන්ස්කිගේ නේටෝ දීගය; යුක්‍රේනය මල සොහොනක් කළ අරුමය ! 2014 වසරට පෙර  සාමකාමීව,ආර්ථික වශයෙන්  දීප්තිමත් අනාගතයක් තිබූ යුක්‍රේනය  දුර්ලභ ඛණිජ සම්පත් තිබූ රටක් .එහි මිලියන 45 ක් ඉතා සුවපහසු ජීවිතයක් ගත කළා. 2014 වසරේ දී ප්‍රජාතන්ත්‍රවාදීව බලයට පැමිණි රජයට එරෙහිව යුක්‍රේන ජනතාව විසින් සිදු කරන බව පෙන්වූ එහෙත් ඇමෙරිකාව සහ යුරෝපය මෙහෙයවූ  කැරැල්ලක්/විප්ලවයක් ආරම්භ වෙනවා. මයිදාන් අරගලය නමින් ඉතිහාසයේ ලියැවුණේ ඒ විප්ලවය .   යුක්‍රේනයේ ආණ්ඩුව (රුසියානු හිතැති) පෙරලුනු අතර එහි   ඇමෙරිකාවනු හිතවාදී    පාලනයක් ඇති වුණා.  2022 දී   ඇමෙරිකාව විසින්ම පත් කළ පාලකයා රුසියාව සමග යුද්ධයක පැටළුණා. ඒ යුක්‍රේනය නේටෝ සාමාජිකත්වය ඉල්ලුම් කිරීම සමගයි. සැබැවින්ම එය යුක්‍රේනය ලවා ඇමෙරිකාව රුසියාව සමග ඇතිකරවනු ලැබූ ගැටුමක්. තමන්ගේ දේශ සීමාවටම ප්‍රතිවාදී නේටෝ කඳවුරු පැමිණීම රුසියාවේ ජාතික ආරක්ෂාවට තර්ජනයක්.       එය අතිශය සාධාරණයි. එම නිසා රුසියාව විසින් යුක්‍රේනය ආක්‍රමණය කරනවා. එහෙත්, යුද්ධයේ පළමු සතියේදීම ...

ජාතික සමගිය සහ ජාතික ඒකාබද්ධතාවය සඳහා   නව ප්‍රවේශයක් ! වසර 30 කට අධික කාලයක් පුරා පැවැති උතුරු නැගෙනහිර ආයුධ සන්නද්ධ අරගලය නිසා නිර්මාණය වූ එසේම තවමත් ශේෂව ඇති අභියෝගවලට විසඳුම් සෙවීම සඳහා ස්ථාපිත කර ඇති දේශීය ක්‍රියාවලීන් ස්වාධීනව සහ විශ්වසනීය ලෙස තම කටයුතු ඉදිරියටත් සිදු කරගෙන යනු ඇති බව පසුගියදා ජිනීවා නුවර, මානව හිමිකම් කවුන්සිලයේ 58 වැනි නිත්‍ය සැසිවාරයේ ඉහළ මට්ටමේ රැස්වීම අමතමින් විදේශ කටයුතු අමාත්‍ය විජිත හේරත් සහෝදරයා පැවසීය. එහිදී ඔහු අතුරුදන් වූවන් පිළිබඳ කාර්යාලය,( Office Of  Missing Persons - OMP) හානිපූරණ කාර්යාලය( Office for Reparations ),  ජාතික සමගිය හා ප්‍රතිසන්ධානය සඳහා වූ කාර්යාලය ( Office for National Unity and Reconciliation - ONUR) වැනි දේශීය ආයතන ශක්තිමත් කිරීමට බලාපොරොත්තු වෙන බවද පැවසීය.  මෙය,ජාතික ජන බලවේගය ආණ්ඩුවේ ඉතාමත් ප්‍රගතිශීලී යොමුවක් බවයි ආරංචි රාළගේ අදහස. එහෙත් පවතින යථාර්ථය වන්නේ  ජාතික සමගිය හා ප්‍රතිසන්ධානය සඳහා වූ කාර්යාලය ( Office for National Unity and Reconciliation - NOUR) තවමත් ක්‍රියාත්මක වන්නේ 2024 ජනවාරි 23 දින සම්...

අන්‍යෝන්‍ය ගෞරවය සහ අවබෝධය මත   පුනරුද ක්‍රියාවලිය ඉදිරියටම.. ඊයේ පාර්ලිමේන්තුවේදී ආබාධ සහිත ප්‍රජාව නියෝජනය කරන  සුගත් වසන්ත ද සිල්වා මහතා පාර්ලිමේන්තුව කල් තැබීමේ යෝජනාව බ්‍රේල් ක්‍රමයට තැබූ සටහනක් උපයෝගී කරගනිමින් ඉදිරිපත් කිරීම ඓතිහාසික සිදුවීමකි. ජාතික ජන බලවේගයේ " එක්ව අත් නොහැර ප්‍රතිපත්තිය" අනුව යමින් අබාධ සහිත ප්‍රජාව කෙරෙහි රජයේ විශේෂ අවධානය යොමුවී ඇති මෙවන් මොහොතක අබාධ සහිත ප්‍රජාව සමග ගනු දෙනු කිරීමේදී ඉතා වැදගත් වන සංවේදී සන්නිවේදන ක්‍රියාවලියක වැදගත් කම සාකච්ඡා කළ යුතුව ඇත. ආබාධ සහිත පුද්ගලයන් සහ සංවේදී සන්නිවේදන ක්‍රියාවලියක වැදගත්කම; සන්නිවේදනය මූලික මිනිස් අන්තර්ක්‍රියාවකි, නමුත් ආබාධ සහිත පුද්ගලයින් සම්බන්ධයෙන් ගත් කල, එය බොහෝ විට ඒකාකෘති සහ වැරදි වැටහීම් වලින් පිරී තිබේ.  බොහෝ යහපත් චේතනා ඇති පුද්ගලයන් වුවද සංවේදී හා ගෞරවනීය සන්නිවේදනයේ වැදගත්කම හඳුනා ගැනීමට අපොහොසත් වී ඇත.  මෙම ඒකාකෘතික සන්නිවේදන ක්‍රමවේද‍යන් සහ පුරුදු වලට අභියෝග කිරීම සහ ආබාධ සහිත පුද්ගලයන්ගේ අභිමානය සහ පෞද්ගලිකත්වයට ගරු කරන සන්නිවේදනයක් කරා ක්‍රමිකව සමාජය හුරු කිරීමේ අවශ්‍යත...

  ආරංචි රාළ  - 50 යි! මේ ආරංචි රාළ  50 වන දිගහැරුමයි.  ආරචි රාළ හුදු පුවත් වාර්තා කරන වෙබ්පුවත් ලිපියක් නොවේ. මේ උත්සාහය මේ රට නිවැරදි දිසාවට යොමුකරවීම සදහා ජනතාව සමග බුද්ධිමය සංවාදයක නිරත වීමයි. ඔබට ස්තුතියි. හැමදාම ආරංචි රාළ සමග ඉන්න. සංස්කාරක   රටේ දේශපාලන දිශානතිය තීරණය කිරීමේදී අන්තර් ජාලය තීරණාත්මකයි ! 1990 - 2024 දක්වා කාලය තුළ මිනිසුන් තමන්ගේ කාලය වැය කරන්නේ කුමන ක්‍රියාකාරකම් වෙනුවෙන් දැයි පිළිබඳව කරන ලද සමීක්ෂණයකදී ඉතා රසවත් තොරතුරු කීපයක් හෙළිකර ගැනීමට හැකි වී ඇත. මෙම සමීක්ෂණයේ නිරවද්‍යතාවය පිළිබඳව  යම් ප්‍රශ්න තිබුණත්  අන්තර්ජාලයේ පැමිණීම සටහන් කරන 80/90 දසකයේ සිට 2000 දක්වාත්, ඉන් අනතුරුව   2024 වන විට  එය සමග මිනිසුන් ගත කරන කාලය තමාගේ අනෙකුත් ක්‍රියාකාරකම් සඳහා වෙන් කරන කාලයට සාපේක්ෂව ප්‍රතිශතයක් ලෙස මෙසේ දක්වා තිබුණි.   තමන්ගේ අනිකුත් ක්‍රියාකාරම් හා සසදා බලනවිට අන්තර්ජාලය සමග ගත කරන කාලය: 1990 - 0.30% 2000 - 5.85% 2022 - 58.68% 2024 - 60.76% මේ දත්ත වලට අනුව පැහැදිලි වන   සත්‍යය වන්නේ අද මිනිසුන්ග...

  දේශපාලකයන් පෝෂණය කළ පාතාල රාජ්‍යය ලංකා ඉතිහාසය තුළ ඉංග්‍රීසීන් අපව යටත් කරගන්නා තුරුම ජන කොට්ඨාශ අතර මැරකම් සිදුවූ බවට තොරතුරු නැත. ලංකාව පිළිබඳව වාර්තා ලියා ඇති රොබට් නොක්ස් වැනි අයද එවන් දේ ගැන සඳහන් කරන්නේ නැත.   ඉන්දියාවේ සිට පැමිණි විවිධ හමුදා අතින් සිදු වූ ව්‍යසනයන් හැර මෙරට ජීවත් වූ සිංහල හා දෙමළ කතා කරන ජනයා අතර ගැටුම් ඇතිවූ බවක්ද සඳහන් නොවේ.   ඉංග්‍රීසි පාලන සමයේදී ජනතා නැගිටීම් මැඩ පැවැත්වීමට ඔවුන් විසින් කරන ලද දාමරික ක්‍රියා ගැන නම් සඳහන් වේ. විශේෂයෙන් 1818 කැරැල්ලේ දී වෙල්ලස්ස ජනයා දරුණු සංහාරයකට භාජනය කර ඇත.   ලංකාවේ ජන කොටස් අතර ඇති වූ ගැටුමක් ලෙස සඳහන් වන්නේ 1915 සිංහල මුස්ලිම් කෝළහාලය ලෙස නම් කර ඇති ගැටුමය.  මෙය ආරම්භ වී ඇත්තේ ආගමික පෙරහරක් මුල් කොට ගෙනය. 1948 න් පසු පැවැති මැතිවරණ කාලවලදී විවිධ පළාත්වල විවිධ පාක්ෂිකයන් අතර පහරදීම්, ගිනි තැබීම් ඇති වී තිබේ. එහෙත් මැතිවරණ අවසන් වීමත් සමගම එවැනි සිදුවීම් නිවී යනු දක්නට ලැබිණි.   රට පුරා පැතිර ගිය ජනතා කෝළහාලයක් ලෙස සැළකිය හැකි වන්නේ 1958 සිදු වූ ජාතිවාදී කෝළහාලයයි. එය දේශපාලකයන් ව...

අලි - ඇතුන් මියයාම මේ ඛේදවාචකයට ඒකාබද්ධ ප්‍රවේශයක් හරහා විසඳුමක් ඉදිරිපත් කළ   යුතුය . මිනිස් ක්‍රියාකාරකම් නිසා සිදුවෙන අලි ඇතුන්ගේ මරණ සංඛ්‍යාව දිනෙන් දිනම වැඩිවන තත්ත්වයක් දකින්නට ඇත. දුම්රියේ ගැටී අනතුරට පත්වීමෙන් මිය යන හෝ ආබාධිත තත්ත්වයට පත්වෙන අලි ඇතුන් අතර කුඩා අලි පැටවුන්ගේ සිරුරු දකින්නට ලැබීම අතිශයින්ම වේදනාකාරී දර්ශනයකි. වත්මන් දත්ත වලට අනුව පවතින වනාන්තර සහ කැලෑ ප්‍රමාණයට සාපේක්ෂව අලි ඇතුන්ගේ ජනගහනය කිසියම් ප්‍රමාණයකට වැඩි  බව පෙනේ. එහෙත් මෙතන ගැටලුව වන්නේ   අලි ඇතුන් වාසය කළ වනාන්තර සහ කැලෑවන් විනාශ කිරීම නිසා මේ තත්ත්වය ඇති වී තිබීමයි.   කාලයත් සමඟ ශ්‍රී ලංකාවට පමණක් නොව ලෝකයේ බොහෝ රටවල් වල මාර්ග පද්ධති සංවර්ධනය කිරීමත් සමඟ වන සතුන් ගහන ප්‍රදේශ හරහා  දුම්රිය සහ මහා මාර්ග ඉදිකිරීමට සිදුවීම නිසා අලි ඇතුන් ඇතුළු   වන සතුන් ගණනාවකට උන්ගේ සාමාන්‍ය ජීවිතයට බාධා පැමිණි බව සත්‍යයකි. එහෙත් බොහෝ සංවර්ධිත රටවල් මහා මාර්ග සහ දුම්රිය මාර්ග ඉදිකිරීමේදී සතුන් ගමන් කරනා මංකඩ වල් අවහිර නොවන ආකාරයට එම මංමාවත් ඉදිකිරීමට උත්සාහ දරා ඇත.    අපේ රටේ මේ මා...

තමන් ආණ්ඩු කරන සමයේ සිදුවූ ඝාතන ගැන මුනිවත රකින පරාජිත දේශපාලකයෝ  ඊයේ සිදුවූ ඝාතනය දඩමීමා කරගෙන ආණ්ඩුවට මඩගැසීමට  දරන වෑයම හාස්‍යජනකය . අපරාධ විමර්ශනය පිළිබඳව ඉතා ජනප්‍රිය කියමනක් ඇත. ඒ මෙසේය; විමර්ශන කණ්ඩායම් වලට අපරාධයක් සෙවීමට නොහැකි වන්නේ නම් එක්කෝ  එම අපරාධයට  බලයේ සිටින දේශපාලකයෙක්  සම්බන්ධය. නැතිනම් එම අපරාධය සිදුවී නැත. පාස්කු ප්‍රහාරයේ මහා මොලකරුවන්  පිළිබඳව කතා කරන බොහෝ අවස්ථාවලදී එවකට  විපක්ෂයේ සිටි දේශපාලන නායකයින් මෙම කියමන දිගින් දිගටම  ප්‍රකාශ කළ අතර ඒ තුළින් ඔවුන් වක්‍රාකාරයෙන් පාස්කු ප්‍රහාරය පිටුපස නියත වශයෙන්ම ආණ්ඩුවේ හෝ ආණ්ඩුවට බලපෑම් කළ  දේශපාලකයෝ කීපදෙනෙක්ම සිටින බවට ඉගි පළ කරන්නට විය. කෙසේ වෙතත් මේ වන විට එම ප්‍රකාශ කළ විපක්ෂයේ දේශපාලකයින් දැන් මේ රටේ පාලකයෝ බවට පත්ව ඇත. එසේ නම් පාස්කු ප්‍රහාරයේ මහා මොලකරුවන්   සෙවීමට දැන් ඔවුන්ට කිසිදු බාධාවක් නැත. මක්නිසාදයත්   දැන්   බලයේ සිටින දේශපාලකයෝ එම පාස්කු ප්‍රහාරය පිටුපස   නොමැති අතර නියත වශයෙන්ම අපරාධය සිදුවී ඇත. මහා මොළකරුවන් සොයන්නයි ආරංචි රාළ බල කර සි...

හැම දෙනාම ඔබ ගෙවිය යුතු   බදු ගෙවන්න!   ඒ හැම රුපියලක්ම ආරක්ෂා කර, රට වෙනුවෙන් යොදවනවා!  ජනපති අනුර කුමාර දිසානායක. මුල සිට අග දක්වා සම්පූර්ණ අයවැය කතාවට සවන් දෙන්න අවස්ථාවක් නොලැබුණත් මුළු දවසම රූපවාහිනී යන්ත්‍රය ක්‍රියාත්මකව තිබුණි. එබැවින් විටින් විට අයවැය කතාව නැරඹීමට අවස්ථාව ලැබුණි. ඊයේ ආරංචි රාළ සටහන් කළ ආකාරයට 1977 එක්සත් ජාතික පක්ෂ ආණ්ඩුවේ මුදල් ඇමති රොනී ද මැල් මහතාගේ අයවැයට ගුවන් විදුලිය ඔස්සේ සවන් දීමෙන් පසුව අවස්ථා ගණනාවකදී රූපවාහිනිය ඔස්සේ මුදල් ඇමතිවරුන්ගේ අය වැය කතා කීපයක්ම නරඹා ඇත්තෙමු. එක්  අයවැය කතාවකදී, මුදල් ඇමතිවරයා ලෙස මහින්ද රාජපක්ෂ ජනාධිපතිවරයා එක් අයවැය යෝජනාවක් ඉදිරිපත් කරන විටදී මෝඩ චුන් අරගෙන  ආණ්ඩු පක්ෂයේ මන්ත්‍රීවරුන් පාර්ලිමේන්තුවේ තමන්ගේ මේස වලට තඩිබාන විට; " කොහොමද බයියන්ගේ වැඩ.?" කියා අසමින් විරුද්ධ පක්ෂයට කෝචොක් පාරක් දැම්මේය.   එදා 1977 රොනී ද මැල් මහතා තම අයවැය කතාව ඉදිරිපත් කළේ දැඩි ආත්ම විශ්වාසයකින් යුතුවය. ඔහුගේ එම අයවැය ශ්‍රී ලංකාව සැබැවින්ම උඩු යටිකුරු කළ ශ්‍රී ලංකාවට විවෘත ආර්ථිකය හඳුන්වා දුන් අයවැයකි....

බංකොලොත්වූ රටක් සංවර්ධනය කරා ගෙන යන  අයවැයක  ජනතා අපේක්ෂාව? 1970 - 75 :මුදල් ඇමතිවආචාර්ය එන්.ඇම්. පෙරේරා  රටක වාර්ෂික අයවැයක් යනු එරටේ වාර්ෂික ආදායම සහ වියදම ඇස්තමේන්තු කරන මූල්‍ය සැලැස්මකි. එය රටක ඉලක්ක වාර්ෂික වියදම් ආදායම් බවට පරිවර්තනය කරන ප්‍රධාන ලේඛනයකි. සංවර්ධනය වූ රටවල් තමන්ගේ ආර්ථික හා සමාජ සංවර්ධන සැලසුම් සකස් කරන්නේ    දිගු කාලයක් සඳහාය. විටක එය අවුරුදු පහක්, දහයක් ඊට වැඩි කාලයක් සදහා හැක.   කෙසේවෙතත් රට පවත්වාගෙන යාම සදහා වාර්ෂික ආදායම් සහ වියදම් ඇස්තමේන්තු කර එය පාර්ලිමේන්තුවේ අනුමැතිය සඳහා ඉදිරිපත් කිරීම කළ යුතුව ඇත. මෙහිදී පවතින ආණ්ඩුවේ රට සඳහා වන දැක්ම අතිශයින්ම වැදගත්වේ. ජාතික ජන බලවේගය ආණ්ඩුවේ ප්‍රථම අයවැය අද (පෙබරවාරි 17) ඉදිරිපත් කරයි. මුදල් අමාත්‍යවරයාද වන ජනපති අනුර කුමාර දිසානායක එය   පාර්ලිමේන්තුවට ඉදිරිපත් කරනු ඇත. මෙහිදී ජාතික ජන බලවේගයේ දැක්ම වන " පොහොසත් රටක් - ලස්සන ජීවිතයක්" යන්න ඔහුගේ අයවැය කතාවේදී නිතර නිතර කියවනු   නියතය. 1977 හයෙන් පහක පාර්ලිමේන්තු බහුතරයක් සහිතව බලයට පත්වූ ජේ .ආර් . ජයවර්ධන මහතාගේ එක්සත් ...

වැලන්ටයින් දිනය,   ඔහු තම ජීවිත පූජාවෙන් රැක ගැනීමට ඉදිරිපත් වූ මිනිස් වටිනාකම් ආරක්ෂා කරගැනීමේ දිනයක් කර ගනිමු! තරුණ තරුණියන්ගේ ආදරයට තහංචි බැදී යුගයක ඒවෙනුවෙන් තම ජිවිතයෙන් අරගල කළ ආදරණිය මිනිසෙකු නිසා ආදරවන්තයින්ගේ නමින් දිනයක් වෙන්විය බොහෝ දෙනෙකුට එය තෑගි   බෝග හුවමාරුව, සුභ පැතුම් පත් මගින් තම ආදරය ප්‍රකාශ කරන තම ආදරණීයයන් වෙනුවෙන් වෙන් කළ දවසකි. අවාසනාවට මෙරට සමහරුන් මේ දිනය "වෙනස් අත්දැකීමක් " විඳගැනීමේ දිනයක් බවට පත්කරගෙන ඇත. වාණිජ ලෝකය විසින් මේ අදහස උත්කර්ෂයට නංවා වැලන්ටයින් විකිණීමේ සල්පිල් පිහිටුවා තිබේ. ආදරය වෙනුවට රාගය වැළඳ ගැනීමට මිනිසුන් පෙළඹවීම මේ සල්පිල වල වෙළඳ අරමුණකි. බොහෝ නගර ආශ්‍රිතව පිහිටුවා ඇති "රූම්ස් " වැලන්ටයින් දිනය වන විට වෙන්කරවාගෙන තිබෙන ප්‍රමාණය කොතරම්ද යත්, පොරොත්තු ලේඛන පවා සකස් කෙරෙන බව මාධ්‍ය විසින් හෙළි කරනු දැක ඇත්තෙමු. එක් අධ්‍යාපනඥයෙක් මේ ගැන අදහස් දක්වමින් පැවසුවේ රූම්ස් සංස්කෘතිය බිහිවීමට ප්‍රධාන හේතුවක් වන්නේ මිනිසුන්ට නිදහසේ තම ආදරය ප්‍රකාශ කිරීමට සුදුසු තැන් මේ රටේ නොමැති වීම බවය. එහි සත්‍යතාවයක්ද තිබෙන්නට පුළුවන....